بعد نهار طويل ومتعب، بلش الساعة السادسة صباحا، وبلشت معالم نهايته لما فتحت باب البيت الساعة التاسعة مساء، لقيت ما في اجمل من دوش مي ساخنة وسيجار وغنية حلوة.
وبما انو عم نحكي عن “الاغاني” حطيت التلفزيون على احدى القنوات المتخصصة ببث اغاني عصرية… هي للصراحة مش معروفة اذا ضهرية او عصرية او مسائية.
حاولت ركز على اللحن، ما قدرت اعرف ايمتا خلصت اول غنية وايمتا بلشت التانية … الايقاع نفسو والضجة هي هي والميغران بلش يضرب.
قلت بنفسي اكيد، هيدا تعب النهار اللي مأثر ع اعصابي ومش عم بيخليني اسمع مزبوط، خليني جرب ركز ع المغنين. يا قطيعة! كلو بيشبه كلو … ستاندارد متل شهادة الجودة، الشباب بيغنو بعضلاتهم المفتولة والصبايا بمفاتنهم المكشوفة.
يقطع الميغران … بس يضرب ما في شي بيداويه الا الكلمة الحلوة. قلت خليني جرب اسمع شو عم بيقولو … طلعو كلهم عم يحكو عن الحب والعوازل والفرقة ويلا!
اما الاخراج فحدث ولا حرج … كلو متل بعضو! نار ومي وشوية عارضين وعارضات…
ازبط شي افتح الفايسبوك واتنصت ع الاصحاب.
واذ بلاقي هالصورة … رزق الله ع ايام للفن الجميل: صباح وفريد .. فيروز ونصري … وديع وليلى مراد … ايام ما كانت الكلمة الها معنى والصوت حلو والاداء باحساس والصورة غنية.
فجأة اختفى وجع راسي وتأكدت اني ما بنتمي لهالزمن.
ومتل العادة بختم وبقول
خدوني ع قد عقلاتي
روي حرب
الدراما اللبنانية في حكايات الجدات لأحفادهمكتبت سميرة اوشانا كان يا ما كان، سيأتي يوم ويخبرالاجداد والجدات أحفادهم عن المافيات التي حاربت [...]
مؤسسة البحر الأحمر السينمائي تُعلن عن مشاركتها في الدورة الع…في إطار دورها الريادي لدعم وتعزيز الصناعة السينمائية محليًا، تكشف مؤسسة البحر الأحمر السينمائي [...]
كرنفال الكيمياء في الجامعة الأميركية في بيروت: العلم والمرح …بعد طول انتظار، أُقيم كرنفال الكيمياء السنوي الخامس في الجامعة الأميركية في بيروت مُضفياً على [...]
بطريرك كنيسة المشرق الأشورية مار آوا يزور صاحب الغبطة مار بش…كتبت سميرة اوشانا ضمن سلسلة لقاءاته في لبنان، زار قداسة البطريرك مار آوا الثالث، بطريرك كنيسة [...]
إلهام علي تشيد بنجاح “سندس2 ” وتصدّره المرتبة ال…حقّق الجزء الثاني من المسلسل السعودي الكوميدي الإجتماعي “سندس2 ” الذي يعرض على MBC1 [...]