هذه المرة الدردشة كانت مع الفنان والزميل اندريه جدع، الذي يبدع في اداء كل شخصية لعب دورها. طلته على المسرح ينتظرها الجمهور الذي يريد ان يبعد عنه هموم الحياة من دون ان نؤذي لا الاذن ولا العين بمشاهد مبتزلة وكلمات نابية…. بمعنى بطريقةٍ راقية تختلف عن ما نشاهده في بعض المسرحيات التي تعتبر نفسها أنها شانسونييه، وهي بعيدة كلياً عن هذا الفن الذي بات ينقرض. دردشة فايسبوكية سريعة مع اندريه وركوة قهوة.
اندريه جدع: يسعد صباحك، تصفحت ماغ فيزيون Magvisions مع ركوة قهوة الصبح، قريت المواضيع والمقابلات، وبكل صراحة بخبرك انو حبيت كتير الصورة المهنية الإعلامية للصفحة هيدي الصحافة يللي بحبا رصينة، موضوعية، اُسلوب سريع بعيد عن التمغيط والتبخير، صحافة حافظت على لونها و ابتعدت عن الاعلام الأصفر، نشرة فنية وثقافية واجتماعية منوعة مبروك سميرة خط ماغ فيزيون ممتاز والأصيل بدون شك سيستمر وينجح ويسعد صباحك.
سميرة: بونجورررررررر، خي رأيك بيفرحني وبفتخر فيه، هيدا لي انا بسعى له، صحافة بكل معنى الكلمة، بعيدة عن هالهبل لي اجتاح هيدا القطاع للاسف، بسبب الدخلاء على هذه المهنة لي بحبا كتير، ويلي هني شوهوا ونزلو مستواها، ميرسي كتير عن جد.
اندريه جدع: هيدا الصح والصح باقي الف مبروك.
سميرة: ميرسي الله يخليك، تبقى خبرني عن كل شي جديد بدك تعملو،وخلينا ع اتصال.
اندريه جدع: اكيد من كل بد.
سميرة: في شي جديد هلا عم يتحضر؟
اندريه جدع: مسرحية جديدة ببرمانا برنتانيا بالاس منطلقين من فكرة انو ما في شي تغير من تلاتين سنة لليوم كل المشاكل يللي عالجناها بالماضي ما زالت موجودة زبالة كهربا عجقة سير مشاكل انتخاب راس للجمهورية من سنة ١٩٩٠ لهلق التحضيرات بلشت ومنتمنى تكون صيفية رايقة.
سميرة: اوكي، بالتوفيق يا رب، بدك اكتب شي عن هالموضوع؟ بحت دردشة على الفايسبوك وبكتب لي حكينيه بيطلع مهضوم؟
اندريه جدع: نحنا بلشنا اعلاميا من يومين طلعت بمقابلة على LBC، ايه اوكي الدردشة حلوة و طبيعية.
سميرة: اوكي، شو رح يكون اسمها المسرحية؟ ومين بدو يشارك فيا؟
اندريه جدع: العنوان مش مثبت بعد، المشاركين كل الفريق وممكن في وجوه جديدة عم ادرس الموضوع انا و بيار.
سميرة: رح يكون في اغاني جديدة؟
اندريه جدع: اكيد
سميرة: تقريباً كم سكتش رح تتضمن المسرحية؟
اندريه جدع: ما حددنا بعد لما نبلش تمارين منشوف الوقت ومنقرر.
سميرة: اوكي، شو حضرت مسرحيات بهاالفترة؟ شو شاهدت، اي مسرحية؟
اندريه جدع: حقيقة ما كان عندي وقت بس كنت حابب شوف الست بديعة وجورج خباز، واذا صار عندي وقت اكيد رح شوفن وشوف باقي المسرحيات كمان شانسونييه وغيرها.
سميرة: لتحسين وضع الاعلام والفن برأيك شو لازم نعمل؟ شو هي الخطة لي بتقدر ترجع الفن والاعلام الى مكانون الراقي والصحيح؟
اندريه جدع: Ouuuuuuuuuuuuuuuuuuu ، بس برضو بيضل في أمل.
سميرة: انشالله، انا كتير انبسطت بهالصبحية، بتمنالك التوفيق بكل اعمالك، وناطرين جديدك، واكيد رح يكون حلو متل العادة. معودين ع اعمال حلوة منك.
اندريه جدع: نحنا مكملين وما فينا نقعد ممنوع الاحباط ولو كان الشغل خفيف ورح يجي يوم وتفرج.
سميرة: اكيد.
اندريه: يسعد صباحك
سميرة: يسعد صباحك
الدراما اللبنانية في حكايات الجدات لأحفادهمكتبت سميرة اوشانا كان يا ما كان، سيأتي يوم ويخبرالاجداد والجدات أحفادهم عن المافيات التي حاربت [...]
مؤسسة البحر الأحمر السينمائي تُعلن عن مشاركتها في الدورة الع…في إطار دورها الريادي لدعم وتعزيز الصناعة السينمائية محليًا، تكشف مؤسسة البحر الأحمر السينمائي [...]
كرنفال الكيمياء في الجامعة الأميركية في بيروت: العلم والمرح …بعد طول انتظار، أُقيم كرنفال الكيمياء السنوي الخامس في الجامعة الأميركية في بيروت مُضفياً على [...]
بطريرك كنيسة المشرق الأشورية مار آوا يزور صاحب الغبطة مار بش…كتبت سميرة اوشانا ضمن سلسلة لقاءاته في لبنان، زار قداسة البطريرك مار آوا الثالث، بطريرك كنيسة [...]
إلهام علي تشيد بنجاح “سندس2 ” وتصدّره المرتبة ال…حقّق الجزء الثاني من المسلسل السعودي الكوميدي الإجتماعي “سندس2 ” الذي يعرض على MBC1 [...]